دليل الحجز

كيف بتحجز تكتتك؟

أربع خطوات وبتكون تكتتك بجيبتك. بدون تطبيق، بدون تعقيد — والتذكرة توصلك على إيميلك.

اختَر فعاليتك

تصفّح فعاليات عمّان من الصفحة الرئيسية — دوّر بالاسم أو فلتر حسب النوع والمدينة — وافتح صفحة الفعالية اللي بدّك ياها.

السعر واضح من أول نظرة، والباقي من التذاكر معروض لحظياً.

لو الفعالية بمقاعد، اختَر مقعدك أو طاولتك على خريطة القاعة اللي رسمها المنظّم. ولو دخول حر، حدّد عدد التذاكر بس.

المقاعد المحجوزة بتبيّن رمادية — بتختار المتاح بس.

عبّي اسمك ورقم موبايلك وإيميلك، وأكمل الدفع أونلاين بالبطاقة (Visa / Mastercard) عبر صفحة دفع آمنة ومعتمدة. بياناتك ما بتمرّ عبر سيرفراتنا.

اكتب إيميلك صح — لأنّه عليه بتوصلك التذكرة.

بمجرّد ما يتأكّد الدفع، تكتتك بتوصل على إيميلك فيها رمز QR. احفظ رابط صفحة التذكرة كمان — وعالباب أظهر الرمز وفوت.

كل تذكرة بتُمسح مرّة وحدة — بتضمن دخولك.

روح على تذاكري واكتب رقم موبايلك، ومنبعتلك تكتتك على إيميلك من جديد.

افتح إيميل التذكرة أو صفحتها، وأظهر رمز الـ QR للماسح. بيشتغل حتى لو نت القاعة ضعيف.

تقدر تطلب إلغاء من صفحة تذكرتك، والمنظّم بيراجع الطلب حسب سياسة الاسترجاع تبعته.